Yaşla bağlı dəyişikliklər görmə problemlərinin yeganə səbəbi deyil.

Demokrat.az xəbər verir ki, oftalmoloqların sözlərinə görə, görməyə xroniki xəstəliklər, stress, həddindən artıq yorğunluq, yuxu və vitamin çatışmazlığı, həmçinin siqaret və spirtli içki qəbulu da mənfi təsir göstərir.

Bundan əlavə, görmənin zəifləməsi şəkərli diabet kimi ümumi xəstəliklərlə də əlaqəli ola bilər. Buna görə də ilk narahatedici əlamətlər ortaya çıxdıqda həkimə müraciəti təxirə salmamaq tövsiyə olunur.

Mütəxəssislər bildirirlər ki, müntəzəm müayinələr pozuntuları erkən mərhələdə aşkar etməyə və mümkün ağırlaşmaların qarşısını almağa kömək edir.