Qarabağ müharibəsində yəhudilər haqqında danışarkən ağla ilk gələn ad Albert Aqarunovdur. Bu başa düşüləndir, çünki o, Azərbaycanın Milli Qəhrəmanıdır. Lakin bəziləri hesab edir ki, Aqarunov praktik olaraq Azərbaycanın ərazi bütövlüyünü müdafiə etmək üçün silaha sarılmış yeganə yəhudi idi. Əslində, daha sonra az-çox məşhurlaşan digər yəhudilər və adi insanlar da var idi.
İsraildə Azərbaycan-İsrail münasibətlərinin möhkəmləndirilməsinə həsr olunmuş fəal təşkilatlardan biri Şah Dağ təşkilatıdır. Lakin az adam bilir ki, ona Qarabağ müharibəsi veteranı Elhanan Raziel rəhbərlik edir.
Bu təşkilatın nümayəndələri Xocalıdakı erməni vəhşiliklərini müzakirə etmək üçün İsrail parlamentində bir sıra tədbirlər keçirib, həmçinin İsrail Mərkəzi Televiziyasında Azərbaycan-İsrail münasibətləri ilə bağlı layihələr həyata keçirib və bir neçə veriliş yayımlayıblar. Azərbaycan ordusunun zabiti Elhanan Raziel (A. İlyayev) Qarabağ müharibəsində vuruşub və yaralanıb. O, Laçın cəbhəsində tank qoşunlarında baş leytenant kimi bir il yarım vuruşub. O, Oğuz şəhərindən çağırılan digər veteranların adlarını xatırlayır:
– Tank qoşunlarının baş leytenantı Arif Abramov Laçın cəbhəsində bir il yarım döyüşüb;
– Tank qoşunlarının baş leytenantı Vaqif Abramov Ağdam cəbhəsində üç il döyüşüb;
– Piyada döyüş maşınının leytenantı Mişa İlyayev Ağdam cəbhəsində altı il döyüşüb.
– Beyləqan-Harami müdafiəsi uğrunda döyüşlərdə yaralanan Elxan Yusifov.
Elhanan Raziel döyüşlərin birində bölməsinə Qrad raketi atıldıqda yaralanıb. Həmin gün əslən Yevlaxdan olan əsgər Cahangir gözləri önündə həlak olub. Elhanan özü başından və ayaqlarından yaralanıb. O, Çingiz Mustafayevin əsgərlərə dediyini xatırlayır:

"Bu yəhudi oğlanlarını nümunə götürün! Görün necə cəsarətlə vuruşurlar".
İsraildə hər il Azərbaycanın Müstəqillik Günü qeyd olunur və Qara Yanvar və Xocalı faciəsi qurbanlarının xatirəsinə anım tədbirləri keçirilir. Qarabağ müharibəsinin dağ yəhudi veteranları isə bu hadisələrin ön sıralarında çiyin-çiyinə dayanırlar.
Azərbaycan türkü
TEREF yazır ki, bu siyahıya "Boz Qurd" batalyonunun kəşfiyyatçısı yəhudi qanı daşıyan İosif İsayevidə əlavə etməliyik. Düzdür o rus kimi gedirdi, lakin onun anası yəhudi idi. Avropa yəhudisi.



İosif İsayev