Ermənistanın paytaxtı İrəvanda keçirilən hərbi paradda nümayiş etdirilən hərbi texnika və silah nümunələri diqqət çəkib. Ermənistan tərəfi paradda təqdim olunan bir sıra silahların mənşəyini fərqli formada nümayiş etdirməyə çalışıb.

NOCOMMENT.az xəbər verir ki, bu gün İrəvanda baş tutan hərbi paradda Ermənistan rəhbərliyi xarici ölkələrdən idxal edilən silah sistemlərini özünün yerli istehsalı və hərbi-sənaye kompleksinin məhsulu kimi qələmə verib. Paradda Fransa, Hindistan və digər xarici dövlətlərin istehsalı olan hərbi texnika və silah nümunələri yerli erməni adları altında nümayiş etdirilib.

Xarici hərbi məhsulların adlarının dəyişdirilərək parad iştirakçılarına təqdim olunması faktı qeydə alınıb. Konkret olaraq, xaricdən alınan silahlar paradda "Aramazd", "Mixr", "Lusan" və "Şant" kimi erməni mənşəli adlarla rəsmi şəkildə nümayişə çıxarılıb. Hərbi ekspertlər nümayiş olunan texnikaların vizual və texniki xüsusiyyətlərinə əsasən, onların Ermənistana məxsus olmadığını və xarici tərəfdaşlardan tədarük edildiyini bildirirlər.