Rəsmi Tehranın neft hasilatını azaltması məntiqli deyil.

Axar.az xəbər verir ki, bu sözləri İranın OPEK-dəki nümayəndəsi Mehdi Asali İranın “Şərq” qəzetinə açıqlamasında deyib.

O bildirib ki, İran bazardakı mövqeyini geri qaytarana qədər neft hasilatını artıracaq:

“2011-ci ildən bəri neft hasilatını artıran ölkələr indi ixracı azaltmalı və bununla qiymətin qalxmasına yardımçı olmalıdırlar”.

Bundan əlavə, İranın Neft Nazirliyi də açıqlamasında neft hasilatının azaldılmayacağını deyib.

Qeyd edək ki, dünən Səudiyyə Ərəbistanı, Rusiya, Qətər və Venesuela neft hasilatını 11 yanvar 2016-cı il səviyyəsində saxlamaq barədə razılaşıb.