ABŞ Prezidenti Donald Tramp Nobel Sülh Mükafatının ona verilməməsində Norveçi günahlandırıb.

Patrul.az xarici KİV-ə istinadən xəbər verir ki, ABŞ lideri müsahibələrindən birində bu məsələni Norveçin Nobel Komitəsinin qərarları üzərində faktiki nəzarətə malik olması ilə əlaqələndirib.

“Norveç dediklərinə baxmayaraq, buna tam nəzarət edir. Onlar bununla heç bir əlaqəsi olmadığını deməyi sevirlər, amma əslində bu prosesdə böyük rolları var”, – deyə Donald Tramp bildirib.

ABŞ lideri müsahibəsi zamanı həmçinin səkkiz müharibəni dayandırdığını və saysız-hesabsız insanın həyatını xilas etdiyini bir daha xatırladıb. O, bu səbəbdən artıq Nobel Sülh Mükafatı ilə maraqlanmadığını da qeyd edib.