“Reuters” agentliyinin yaydığı məlumata görə, İranda həm hərbi, həm də siyasi qərarların qəbulu mərkəzi artıq tamamilə dar bir qrupun nəzarətinə keçib. Bu mərkəzə Milli Təhlükəsizlik Ali Şurası, Ali Rəhbərin dəftərxanası və İslam İnqilabı Keşikçiləri Korpusunun (SEPAH) rəhbərliyi daxildir.

NOCOMMENT.az xəbər verir ki, agentliyin mənbələri ölkənin siyasi və dini elitasının SEPAH-ın qərarlarına müqavimət göstərmək üçün kifayət qədər nüfuza malik olmadığını bildiriblər. Hazırda strateji qərarların verilməsində hərbiləşdirilmiş strukturun mütləq üstünlüyü müşahidə olunur ki, bu da ölkənin daxili və xarici siyasətində həlledici rol oynayır.