İvana Marsela Lopez Muralles adlı 15 yaşlı gözəllik kraliçası Qvatemalada vəfat edib.

Bu barədə "Prensa Libre" məlumat yayıb.

Muralles gecə motosiklet sürərkən yük maşını qəfildən tam sürətlə ona çırpılıb. Motosiklet maşının təkərlərinin altına düşüb və yük maşını onun üstündən keçməzdən əvvəl bir neçə metr sürükləyib.

Aldığı xəsarətlərin şiddətinə görə o, hadisə yerində keçinib.Yük maşınının sürücüsü saxlanılıb. Qəzanın səbəbləri araşdırılır.

Muralles uşaqlıqdan müxtəlif gözəllik müsabiqələrində iştirak edib. 2024-cü ildə keçirilən "Çiçək Festivalı"nda o, gözəllik kraliçası seçilib.

Onun cənazə maşını qısa karyerası ərzində qazandığı bütün lentlərlə bəzədilib.