46 yaşlı qadın və 64 yaşlı kişi təxminən 80 metr dərinlikdə təcili olaraq suyun üzünə qalxmağa başlayıblar. Onların niyə belə etdikləri hələ məlum deyil.
Kişi suyun üzünə çıxarkən huşunu itirib. Qadın isə bir qədər sonra quruda huşunu itirib. Xilasedicilər hər ikisini reanimasiya etməyə çalışsalar da, onları xilas etmək mümkün olmayıb.
Hadisə Überlingen şəhərindəki „Tennisplätze“ adlı dalış yerində baş verib. Polis hadisəni araşdırır. Dalğıcların təcrübəli olub-olmadığı da hələ məlum deyil.
Dalış zamanı çox sürətli şəkildə suyun üzünə qalxmaq təhlükəlidir və ağır nəticələrə səbəb ola bilər.
Operatorun internet saytında verilən məlumata görə, bu dalış məntəqəsində dalğıcların təxminən 120 metr dərinliyə qədər enə bildiyi dik bir sualtı divar da mövcuddur.
Sarvan Səmədoğlu