"Qazaxıstan hökuməti "LUKOIL" şirkətinin aktivlərinin satın alınması ilə bağlı danışıqlarda iştirak etmir".
Bunu ölkənin energetika naziri Yerlan Akkenjanov jurnalistlərin suallarını cavablandırarkən bildirib.

Nazir vurğulayıb ki, bu cür sövdələşmələri yalnız kommersiya fəaliyyəti ilə məşğul olan şirkətlər müzakirə edə bilərlər: "Hökumət kommersiya fəaliyyəti ilə məşğul olmur, Energetika Nazirliyi isə hasilat, nəqliyyat və emal sahələrində dövlət siyasətini həyata keçirir. "LUKOIL" şirkətinin aktivləri ilə bağlı məsələ, əgər səhv etmirəmsə, dekabrın ortalarına qədər təxirə salınıb. Bu müddət ərzində "LUKOIL" öz biznesini davam etdirmək üçün zəruri tədbirləri görməlidir", - deyə o qeyd edib.