"İraq neft hasilatının səviyyəsinin dəyişməz qalmasında və dünya neft bazarlarının sabitləşməsində maraqlıdır".

Bunu İraqın Baş naziri Məhəmməd əs-Sudani "LUKOIL" neft şirkətinin təsisçisi Vahid Ələkbərovla görüşündə bəyan edib. Bu barədə məlumatı İraq baş nazirinin ofisinin mətbuat xidməti yayıb.

Bildirilir ki, görüş ABŞ Maliyyə Nazirliyi tərəfindən "LUKOIL"a qarşı sanksiyaların tətbiq edilməsi fonunda sabit neft hasilatının qorunub saxlanılması həllərinin və mexanizmlərinin tapılmasına həsr olunub.

Qeyd edək ki, ABŞ Maliyyə Nazirliyi oktyabrın 22-də "Rosneft", "LUKOIL" şirkətlərini və onların 34 törəmə qurumunu Birləşmiş Ştatların yeni sanksiyalar paketinə daxil edib. Ağ Evin mətbuat katibi Kerolayn Livitt jurnalistlər üçün mütəmadi keçirilən brifinqdə bildirib ki, Vaşinqton bu məhdudiyyətlərin Ukrayna münaqişəsi ilə əlaqədar Moskvaya əhəmiyyətli təzyiq göstərəcəyinə ümid edir.