Gələn ildən telefon və noutbuklar zəifləyəcək
15-12-2025, 15:44
"TrendForce"un yeni proqnozuna görə, yaddaş çiplərinin qiymətləri 2026-cı ilin birinci rübündə kəskin artacaq.
Bu bahalaşma smartfon və noutbuk istehsalçılarını məhsulların qiymətini qaldırmağa və texniki göstəriciləri aşağı salmağa məcbur edəcək.
Hesabata əsasən:
"Apple" daxil olmaqla bütün istehsalçılarda yaddaş komponentinin maya dəyərində payı artır;
"Android" istehsalçıları 2026-cı ildə yeni modellərin qiymətlərini artırmalı olacaq;
Aşağı seqment smartfonlar yenidən 4 GB RAM-a qayıda bilər;
Noutbuk bazarında ikinci rübdən etibarən daha ciddi qiymət dalğalanmaları gözlənilir.
TrendForce bildirir ki, spesifikasiya azaldılması və qiymət artımı 2026-cı ildə istehsalçılar üçün əsas qənaət strategiyasına çevriləcək.
