Abşeron rayonunun Məmmədli kəndində yerləşən Yanardağ abidəsinin ərazisi Azərbaycan Respublikası Prezidenti Cənab İlham Əliyevin 2 may 2007-ci il tarixli sərəncamı ilə Dövlət Tarix-Mədəniyyət və Təbiət Qoruğu elan edilib. Qoruğun fəaliyyəti Azərbaycan Respublikası Nazirlər Kabinetinin 7 iyun 2018-ci il tarixli, 255 nömrəli qərarına əsasən Dövlət Turizm Agentliyi tərəfindən tənzimlənir. Qoruq 64,55 hektar ərazini əhatə edir və qanunla bu torpaq toxunulmazdır, satışı mümkün deyil.

Bizimesr.az-a daxil olan videogörüntülərdə iddia olunur ki, Abşeron rayon icra başçısı Abdin Fərzəliyev qoruq ərazisi satışa çıxarıb və sürətli tikinti işləri aparılır.

Maraqlıdır ki, Abşeron Rayon İcra Hakimiyyətinə bu məsələ ilə bağlı göndərilən sorğulara hələ cavab verilməyib, həmçinin telefon zəngləri açılmır.