ABŞ Senatının Xarici Əlaqələr Komitəsi bu həftə Rusiyaya qarşı təzyiqləri artırmağa yönəlmiş üç mühüm qanun layihəsini eyni anda müzakirəyə çıxaracaq.

“Axios” nəşrinin məlumatına görə, söhbət aşağıdakı təşəbbüslərdən gedir:

Rusiyanın dövlət səviyyəsində terrorizmi dəstəkləyən ölkə kimi tanınması;

Ukraynadakı müharibəyə dəstəyə görə Çinə qarşı yeni sanksiyaların tətbiqi;

Dondurulmuş Rusiya aktivlərinin Ukraynaya ötürülməsi.

Müzakirələr NATO baş katibi Mark Rüttenin Vaşinqtona səfəri ilə eyni vaxta təsadüf edir. Ryutte ABŞ Prezidenti Donald Tramp və aparıcı senatorlarla görüşəcək.

Ekspertlər qeyd edirlər ki, bu təşəbbüslərin Senatdan keçməsi halında, Konqres Ağ Evdən asılı olmayaraq Rusiyaya qarşı sərt mövqe nümayiş etdirə biləcək. Bu, həm də ABŞ-ın Ukraynaya dəstəyinin davam etdiyini göstərmək məqsədi daşıyır — xüsusən də administrasiyanın son aylarda maliyyə və hərbi yardım qərarlarında ləngimə müşahidə olunduğu bir vaxtda.