İtaliya Yeni il gecəsi yanğının baş verdiyi İsveçrə barının sahibinin girov müqabilində azadlığa buraxılması ilə bağlı Bernə rəsmi şikayət ərizəsi təqdim edib.
Ajans.az xəbər verir ki, məhkəmə qərarından sonra İtaliya səfirini geri çağırıb.

Krans-Montan şəhərindəki Le Constellation barının sahibləri Jak Moretti və həyat yoldaşı Jessica 40 nəfərin ölümünə və 100-dən çox insanın yaralanmasına səbəb olan yanğınla əlaqədar istintaq altındadırlar. Jan Moretti 9 yanvarda həbs olunsa da, cümə günü girov müqabilində azadlığa buraxılıb.

İtaliyanın Baş naziri Giorgia Meloni dünən onun azadlığa buraxılmasını Yeni il faciəsi qurbanlarının xatirəsinə və onların ailələrinə təhqir adlandırıb. Yanğında həlak olanlardan 6-sı, yaralananlardan 10-u italyan olub.

İtaliya hökumətinin bəyanatında deyilir: "Bütün İtaliya həqiqət və ədalət tələb edir. Faciəyə cavab olaraq ailələrin əzablarını və gözləntilərini nəzərə almağa çağırır".