Bakı şəhəri, Nəsimi rayonunda hazır tikiliyə edilən əlavə sakinlərin narazılığına səbəb olub.

Tribuna.az xəbər verir ki, bu barədə sakinlər bildiriblər. Onların sözlərinə görə, metronun “Memar Əcəmi” stansiyası yaxınlığında yerləşən “Əcəmi Mall” ticarət mərkəzinin üstündə əlavə mərtəbə inşa edilir.

Sakinlər bildirib ki, artıq mərtəbənin dəmir konstruksiyaları hazırdır. Tikiliyə etiraz edən sakinlər bildirib ki, işlər qanunsuz və icazısiz aparılır. Çünki ticarət mərkəzi illərdir 2 mərtəbəli olaraq fəaliyyət göstərir. Mərkəzin 2 mərtəbəli formada olmasının icazəsi əvvəldən var. İndi isə qanunsuz olaraq 3-cü mərtəbə inşa edilir.

Sakinlər bildirib ki, hazır tikilinin üstünə əlavənin edilməsi həm də təhlükəlidir.

Tikiliyə kimin icazə verməsi, kimin bu qanunsuzluğa göz yumması maraq doğurub. Sakinlər icazənin Nəsimi rayon İcra Hakimiyyəti tərəfindən verildiyini bildirir.

Qarşı tərəfi dinləməyə hazırıq.