Rusiyaya etiraz notaları bu ölkənin siyasi və hərbi rəhbərliyinin məsuliyyətini təmin etmək üçün sübut kimi istifadə ediləcək.

Moderator.az xəbər verir ki, bu barədə Litva Xarici İşlər Nazirliyi (XİN) məlumat yayıb.

Qeyd olunub ki, Vilnüsdəki Rusiya səfirliyinin rəsmisinə Ukraynanın mülki əhalisinə, enerji və digər obyektlərinə hücumlara görə etiraz notası göndərilib.

Notada bildirilir ki, Rusiyanın Ukraynada törətdiyi hərbi cinayətlərin təşkilatçıları və günahkarları iddia müddətindən asılı olmayaraq tapılacaq, məsuliyyətə cəlb ediləcəklər.