ABŞ-ın ədliyyə naziri Pem Bondi Ceffri Epşteyn dosyaları ilə bağlı Konqresdə ifadə verib.
Dinləmə zamanı həm demokratlar, həm də respublikaçılar Bondini şəffaf olmağa çağırıb, müzakirələr zamanı gərginlik yüksəlib.

Dinləmələr Tramp administrasiyası dövründə dosyaların idarə olunması və Ədliyyə Nazirliyinin mövqeyi baxımından gərgin keçib. Bondinin cavabları zaman-zaman qarışıq və gərgin olub. Konqres üzvləri xüsusilə Tramp administrasiyası dövründə Ədliyyə Nazirliyinin Epşteyn qurbanlarına münasibəti və dosyaların idarə olunması ilə bağlı ardıcıl suallar ünvanlayıblar. Zalda əyləşən Epşteyn qurbanlarının bir qismi Bondinin onlara baxmaqdan imtina etdiyini bildirərək səssiz etiraz aksiyası keçirib.

Demokrat nümayəndə Pramila Keyapal və digər üzvlər Bondidən Ədliyyə Nazirliyinin Epşteyn dosyalarını idarə etmə və ictimaiyyətə təqdim etmə formasına görə sağ qalanlardan üzr istəyib-istəməyəcəyini soruşublar. Bondi dinləmə boyunca bəzi suallara cavab verməkdə çətinlik çəkib və sualları məhdud şəkildə cavablandırıb. O, üzr istəmək tələbini isə rədd edib.

Dinləmə zamanı respublikaçı üzv Tomas Masi də daxil olmaqla bir sıra konqresmenlər Bondini sərt şəkildə sorğu-sual edib, zaman-zaman səs tonları yüksəlib və mübahisələr alovlanıb. Bondi ifadəsi boyunca həm demokrat, həm də respublikaçı üzvlərin təzyiqi ilə üzləşib.

Bu gərgin oturum Ceffri Epşteyn dosyaları ilə bağlı Tramp administrasiyası dövründə aparılan araşdırmalar və Ədliyyə Nazirliyinin mövqeyi baxımından ictimaiyyətin diqqətlə izlədiyi mühüm məqam kimi qiymətləndirilir.