ABŞ Prezidenti Donald Tramp bəyan edib ki, Vaşinqton və Tehran arasında tarixi sənədin imzalanması yaxın günlərdə - iyunun 14-nə planlaşdırılıb.

Sherg.az xəbər verir ki, ABŞ lideri bu barədə Truth Social sosial şəbəkəsində paylaşım edib.

Trampın sözlərinə görə, sənəd imzalandıqdan dərhal sonra dünya neft ticarəti üçün strateji əhəmiyyət daşıyan Hörmüz boğazı gəmiçilik üçün tam açıq olacaq.

ABŞ prezidenti həmçinin vurğulayıb ki, ABŞ təkcə İranla deyil, bütün Yaxın Şərq ölkələri ilə də gələcəkdə məhsuldar əməkdaşlığın davam etdirilməsində maraqlıdır.

Xatırladaq ki, iyunun 11-də Tramp ilə Benjamin Netanyahu arasında telefon danışığı baş tutmuşdu. Həmin söhbət zamanı Ağ Ev rəhbəri israilli həmkarına Vaşinqton və Tehranın sülh sazişinin imzalanmasına indiyədək heç vaxt olmadığı qədər yaxın olduqlarını bildirmişdi.

Qeyd edək ki, Trampın bu açıqlaması ABŞ–İran münasibətlərinin gələcəyi və Yaxın Şərqdəki geosiyasi proseslər baxımından böyük maraq doğurur.