Litva, Polşa və Fransa silahlı qüvvələrinin iştirakı ilə Rusiya və Belarus sərhədində hərbi təlimlər keçiriləcək.

Teleqraf xəbər verir ki, təlimlər 16-26 iyun tarixlərində Polşanın Suvalki dəhlizi bölgəsində "Cəsur Qaban 2026" adı altında baş tutacaq.

Litva ordusunun məlumatına görə, təlimlərə hazırlıq məqsədilə hərbi texnikanın daşınmasına iyunun 13-də başlanılacaq.

Təlimlərin məqsədi müttəfiqlərin birgə əməliyyatları və NATO-nun şərq cinahında müdafiə tapşırıqlarını gücləndirməkdir.

Suvalki dəhlizi Polşa-Litva sərhədinin strateji əhəmiyyətli bir hissəsidir. O, Rusiyanın Kalininqrad vilayəti ilə Belarus arasında yerləşir və regionun əsas təhlükəsizlik sahələrindən biri hesab olunur.