"Paramount" "Netflix"ə qarşı: "Warner Bros." üçün 108 milyard dollarlıq təklif verildi
9-12-2025, 16:38
Hollivudun "Paramount" kinostudiyası "Warner Bros. Discovery"ni səhm başına 30 dollardan 108 milyard dollar nağd pula almağı təklif edib.
Oxu.Az xəbər verir ki, bu barədə CNBC məlumat verib.
Təklif "Netflix" videoservisinə cavab olaraq irəli sürülüb. Belə ki, "Netflix" "Warner Bros."u səhm başına 27,75 dollara almağa hazırlaşır.
"Biz Uoll-Stritdəyik, burada hələ də pul hökm sürür. Biz səhmdarlara "Netflix"dən 17,6 milyard dollar daha çox təklif edirik və inanırıq ki, onlar hazırkı təklifimizi görəndə məhz ona səs verəcəklər", - deyə "Paramount Skydance" şirkətinin baş direktoru Devid Ellison bildirib.
