Dünyanın ən qısa çayı Abxaziyanın Qagra rayonundan axır və uzunluğu 18 metrdir.
Dünyanın ən qısa çayı olan Reprua, dünyanın ən dərin mağarası Krubera-Voronyanın suları ilə qidalanır və Qafqazın Qara dəniz sahilindəki çaylar arasında 11°C sabit temperaturla ən soyuq çaylardan biri hesab olunur.
Abxaziya Elmlər Akademiyasının Ekologiya İnstitutunun direktoru Roman Dbar izah edib ki, Reprua əslində sahildə başlayır və orada da bitir.
O, çayın uzunluğunun qiymətləndirilməsində kiçik fərqlər ola biləcəyini qeyd edib.
"Reprua çayının uzunluğu 18 metrdir, lakin bu rəqəm zaman-zaman dəyişir. Fakt odur ki, sahil xətti daim dəyişir. Lakin bu halda bu, böyük əhəmiyyət kəsb etmir, çünki çayın uzunluğu 20 metrdən artıq deyil", - deyə Dbar bildirib.
Reprua çayı dünyanın qeydə alınmış ən qısa çaylarının uzunluğunun ən azı yarısına bərabərdir.
"Bu kifayət qədər bol axınlı çaydır, orta axın sürəti saniyədə iki kubmetrdir. Və çayın həcminin təxminən 30 faizi Gagra şəhəri tərəfindən içməli su üçün istifadə olunur," Dbar əlavə edib.
Reprua çayının tamamilə quruması halları qeydə alınmayıb.
Reprua çayı canlılarla zəngindir. Burada plankton, yosun, balıq və zooplankton yaşayır.
Abxaziya Elmlər Akademiyasının alimləri Reprua çayının ekoloji profilini hazırlayacaq, bundan sonra isə Reprua çayının dünyanın ən qısa çayı kimi tanınıb Guinness Rekordlar Kitabına daxil edilməsi üçün müraciət etməyi planlaşdırırlar.
Есмира Шукурова