Son günlərdə öldürülən uşaqlardan biri 11 yaşlı, beşinci sinif şagirdi Əlirza Cəfəri rəsmi şəkildə uşaq əsgər kimi tanınıb.
O, Sepahın keçid məntəqəsində xidmət edərkən həyatını itirib. Anası “Həmşəhri” qəzetinə verdiyi açıqlamada bildirib ki, Əlirza Tehranda yerləşən keçid məntəqəsində atası ilə birlikdə olarkən öldürülüb. Uşağın adı əvvəllər həlak olanların siyahısında yer alsa da, Təhsil Səfərbərliyi təşkilatı yalnız bu yaxınlarda onun keçid məntəqəsində “xidmət zamanı” öldürüldüyünü təsdiqləyib.
Saham News və Hengaw İnsan Hüquqları Təşkilatının məlumatına görə, Əlirzanın anası “Həmşəhri”yə müsahibəsində hadisə gecəsi atasının “işçi qüvvəsinin çatışmazlığı” səbəbindən 11 yaşlı oğlunu özü ilə aparmalı olduğunu deyib. Onun sözlərinə əsasən, bu cür keçid məntəqələrində adətən 15–16 yaşlı yeniyetmələr də xidmətə cəlb olunur.
“Təhsil Səfərbərliyi Təşkilatı” həmçinin açıqlayıb ki, 11 yaşlı uşaq magistral yol üzərində yerləşən hərbi keçid məntəqəsində dron hücumu nəticəsində xidmət edərkən həyatını itirib.
Bizi teleqramda izləyin:
https://t.me/tebriz_turan