Türkiyənin keçmiş nəqliyyat naziri Arif Əhməd Denizolğunun 7 sentyabr 2016-cı ildə ölümü ilə bağlı Bakırköy Baş Prokurorluğu tərəfindən aparılan istintaqda, meyitin yarılmasının video qeydinə əsasən hazırlanmış 25 avqust 2026-cı il tarixli məhkəmə-tibbi ekspertiza rəyində ölümün "şübhəli" olduğu müəyyən edilib.

"32gun.az" xəbər verir ki, nazirin ölümündə şübhəli bilinən Süleymançılar təriqətinin lideri Alihan Kuriş və digər şübhəlilərə qarşı "adam öldürmə" maddəsi ilə cinayət işi açılıb.

Bundan əlavə, Denizolğunun 7 sentyabr 2016-cı ildə ölümü ilə bağlı istintaqda "beyin qanaması səbəbindən təbii ölüm" hesabatını imzalayan həkimlərə və əvvəlcə yarılma görüntülərinin mövcud olmadığını bildirsə də, sonradan görüntüləri göndərən Məhkəmə Tibb İnstitutunun administratoruna qarşı "Rəsmi sənədlərin saxtalaşdırılması" ittihamı ilə istintaq başladılıb.

Keçmiş nəqliyyat naziri Arif Əhməd Denizolğun Süleyman Hilmi Tunahanın nəvəsi və dini icmanın hazırkı lideri Əlihan Kurişin dayısı idi. Denizolğun 8 sentyabr 2016-cı ildə Beykozdakı evində vəfat etdi. Onun ölümündən dərhal sonra bacısı oğlu Alihan Kuriş icmanın lideri təyin edildi.

O, bu yaxınlarda "Alihan Kuriş Cinayət Təşkilatı" istintaqı çərçivəsində digər 32 şübhəli ilə birlikdə həbs edildi.