Fransa Prezidenti Emmanuel Makron ölkənin ən populyar 50 siyasətçisi reytinqindən kənarda qalan ilk dövlət başçısı olub.

Müvafiq siyahını "Paris Match" jurnalı dərc edib.

Sorğuda iştirak edən 1 000 fransızın 78%-i Makronun prezident kimi fəaliyyətini mənfi qiymətləndirib. Beləliklə də, dövlət başçısı 50-ci yeri sentyabrda istefa verən baş nazir Fransua Bayruya uduzaraq reytinqdə 51-ci olub.

Jurnal qeyd edir ki, Makronun sələfləri Fransua Olland və Nikola Sarkozi heç vaxt 43-cü yerdən aşağı düşməyiblər.