"Avroviziya-2026” müsabiqəsinin qalibi Dara Bakıda keçirilməsi planlaşdırılan “DreamFest 2026” festivalında iştirakdan imtina edib.

"32gun.az" xəbər verir ki, bu barədə “Songfestival Azerbaijan” səhifəsi məlumat yayıb. Bildirilib ki, bolqarıstanlı müğənni sosial şəbəkələrdə ona qarşı yönələn kəskin tənqidlərdən sonra qərarını dəyişib.

Məlumata görə, Dara izləyicilərinin və pərəstişkarlarının fikirlərini nəzərə alaraq layihədən çəkildiyini açıqlayıb. Sənətçi festivalda iştirakı ilə bağlı yayılan müzakirələrdən sonra çıxış etməkdən imtina edib.

Hələlik Dara-nın özü və ya “DreamFest 2026” təşkilatçıları tərəfindən məsələ ilə bağlı rəsmi açıqlama verilməyib.

Qeyd edək ki, Dara Vyanada keçirilən yarışmada “Banqaraqa” mahnısı ilə birinci olub.