Futbol üzrə 2026-cı il dünya çempionatının (DÇ-2026) B qrupunda İsveçrə və Bosniya və Herseqovina milliləri arasında 2-ci turun ilk oyunu keçirilib.

Oxu.Az xəbər verir ki, ABŞ-nin İnqlvud şəhərində baş tutmuş matç isveçrəlilərin qələbəsi ilə yekunlaşıb - 4:1.

İsveçrədən Yohan Manzabi 74 və 90-cı dəqiqələrdə fərqlənərək dubla imza atıb. Ruben Varqas 84-cü dəqiqədə, Qranit Caka isə 90+8-ci dəqiqədə penaltidən qol vuraraq İveçrənin böyükhesablı qələbəsini rəsmiləşdirib.

Bosniyalıların təsəlli qolunun (90+3-cü dəqiqədə) müəllifi Ermin Mahmiç olub Tarik Muharemoviç 80-ci dəqiqədə aldığı qırmızı vərəqə ilə Bosniya və Herseqovinanı azlıqda qoyub.

Xatırladaq ki, qrupun 1-ci turunda İsveçrə Qətərlə, Bosniya və Herseqovina isə Kanada ilə eyni hesabla (1:1) heç-heçə etmişdi.

Qeyd edək ki, bu gün saat 02:00-da isə Kanada və Qətər yığmaları da qarşılaşacaqlar.