“Ermənistan Baş naziri Nikol Paşinyan Qərbdəki himayədarları vasitəsilə rəsmi Bakını Ermənistan Konstitusiyasının dəyişdirilməsi tələbindən imtina etməyə razı salmağa çalışır”.

Globalinfo.az xəbər verir ki, bu iddia ilə “Hraparak” nəşri çıxış edib.

Bildirilib ki, o bunun müqabilində eyni dərəcədə əhəmiyyətli addımlar atacağını vəd edir:

“Məsələn, ölkədə revanşizm ideyasını tamamilə aradan qaldırmağı təklif edir.

İyunun 7-də keçirilən seçkilərdən sonra konstitusion çoxluğu itirən Paşinyan qarşı tərəfi inandırmağa çalışır ki, alternativ yollarla konstitusiya referendumu keçirmək asan proses olmayacaq”.

Nəşrin yazdığına görə, Paşinyan bu məqsədlə uzunmüddətli həbslər tətbiq etməyə cəhd göstərə bilər:

“Söhbət keçmiş prezident Robert Köçəryan və digərlərindən gedir. Lakin hazırda aparılan danışıqlar hələlik konkret nəticə verməyib”.

“Hraparak” yazır ki, bu iddialar rəsmi mənbələr tərəfindən təsdiqlənməyib.