Çindən ABŞ-yə ağcaqanad vasitəsilə çikunqunya qızdırması gətirilib.

Oxu.Az xəbər verir ki, bu barədə Nyu-York ştatının səhiyyə komissarı Ceyms Makdonald istinadla "Daily Mail" yazıb.

Hadisə Hempsteddə qeydə alınıb, 60 yaşlı qadın çikunqunya xəstəliyinə yoluxub. Qadının sözlərinə görə, o, ölkə hüdudlarından kənara çıxmayıb.

Bildirilib ki, ağcaqanadlarla yayılan çikunqunya əl və ayaq oynaqlarında güclü ağrılar yaradır və bir neçə ay müddətinə iflic vəziyyətinə gətirib çıxara bilir.

Qeyd edək ki, bu ilin əvvəlindən 16 ölkədə çikunqunyaya 317 mindən artıq yoluxma və 135 ölüm faktı qeydə alınıb.