ABŞ-da artıq 30 ildən çoxdur kriptoanalitiklər üçün sirl olaraq qalan məşhur “Kryptos” şifrəsinin mümkün açarı 137 min dollara satışa çıxarılıb.
32gun.az xəbər verir ki, bu barədə IFLScience nəşri məlumat yayıb.
“Kryptos” adlanan bu sirli şifrələmə əsəri Mərkəzi Kəşfiyyat İdarəsinin (MKİ) Lenglidəki qərargahında yerləşir. O, 865 latın hərfi və dörd sual işarəsi həkk olunmuş mis lövhə şəklində hazırlanıb.

Şifrə 1990-cı ildə cızmaçı və heykəltəraş Cim Sənborna məxsusdur. O, şifrələmə sisteminin yaradılmasında Edvard Şeyd ilə birgə çalışıb. “Kryptos” dörd hissədən ibarətdir və bu hissələrin içərisində gizlədilmiş beşinci sirri ehtiva edir.

İlk üç hissə 1999-cu ildə proqramçı Cim Gillogly tərəfindən deşifrə edilib, baxmayaraq ki, ABŞ Milli Təhlükəsizlik Agentliyi (NSA) bunu 7 il əvvəl bacarmışdı.

Məlum olub ki, müəlliflər Vijiner şifrəsindən istifadə ediblər. Hazırda əsas ekspertlərdən birinin səhhətinin pisləşməsi səbəbindən şifrənin açarının satışı barədə qərar qəbul edilib. Auksion 20 noyabra qədər davam edəcək.

Qalib alıcı yalnız “Kryptos”un tam cavabını deyil, həm də lövhənin prototipini və şifrələmə cədvəllərini əldə edəcək.