Fransada amerikalı maliyyəçi Ceffri Epşteynin on yeni qurbanı aşkarlanıb.

Bizimesr.com bildirir ki, Fransa hakimiyyəti Epşteynin Parisdəki mənzili ilə bağlı istintaqı yenidən açıb. ABŞ- da maliyyəçi ilə bağlı sənədlərin dərc olunmasından sonra prokurorlar potensial qurbanları irəli çıxıb ifadə verməyə çağırıblar.

Bildirilir ki, ilin əvvəlindən bəri 20-dən çox insan irəli çıxıb. Onlardan bəziləri digər işlərdən məlum olub. "Amma biz həmçinin əvvəllər bizə tamamilə məlum olmayan yeni qurbanlar da aşkar etdik, onlardan təxminən on nəfəri", - deyə prokuror əlavə edib.

Fransadan kənarda yaşayan zərərçəkmişlərin ifadələri də daxil olmaqla, alınan məlumatlar hazırda yoxlanılır. Bundan sonra hüquq-mühafizə orqanlarının əməkdaşları şübhəliləri dindirməyə və sübutları təhlil etməyə başlamağı planlaşdırırlar.

Maliyyəçinin işi ilə bağlı təxminən 1,5 milyon sənəd, o cümlədən onun adasına insanları göndərməkdə iştirak edə biləcək Fransadakı vasitəçilərini müəyyən etmək məqsədi ilə nəzərdən keçirilir.