Rusiyadan şok açıqlama- Xarici agentlər rusların DNT nümunələrini toplayır


Rusiya Prezidentinin mətbuat katibi Dmitri Peskov xarici agentlərin fərqli etnik kökə malik rusların DNT nümunələrini topladığını açıqlayıb.

Moderator.az xarici mediaya istinadən xəbər verir ki, Peskov bununla bağlı açıqlamasında DNT nümunələrini toplayan xarici agentlərin ictimai təşkilatlarda çalışdıqlarını bildirib.

Rusiya Dövlət Dumasının deputatı Gennadi Onişenko isə xarici laboratoriyalarda belə araşdırmaların aparılmasının dövlət tərəfindən məhdudlaşdırılmasının vacibliyini vurğulayıb.

“Vətəndaşlarımızın orqanlarının analizlərinin toplanması ABŞ-ın aqressiv hərbi proqramını dayandırmadığının sübutudur.”- Rusiyalı deputat belə deyib.

Bəzi rus alimləri DNT nümunələrinin ABŞ-ın bioloji müharibə araşdırmasında istifadə edildiyini irəli sürüb.