Türkiyə Müdafiə Nazirliyinə məxsus təyyarənin qəzaya uğradığı yerdə aviasiya qaydalarına uyğun olaraq axtarış-xilasetmə əməliyyatları davam edir.

Bu barədə Gürcüstanın “Sakaeronaviqasiya” şirkəti bildirib.

Qeyd edək ki, Gəncədən uçanTürkiyə hərbi yük təyyarəsi Gürcüstan sərhədindən təxminən beş kilometr aralıda, Siqnaxi bölgəsində qəzaya uğrayıb. Türkiyə Müdafiə Nazirliyi təyyarənin ona məxsus olduğunu təsdiqləyib.

“Türkiyənin C-130 təyyarəsi Gürcüstan ərazisini keçdikdən bir neçə dəqiqə sonra qəza siqnalı vermədən “Sakaeronaviqasiya” radarlarından yoxa çıxıb, bundan sonra müntəzəm axtarış-xilasetmə əməliyyatlarına başlayıb”, – məlumatda deylir.