ABŞ-nin Arizona ştatında ağlasığmaz faciə baş verib.

"The Mirror" nəşri xəbər verir ki, sərgi zamanı 60 yaşlı Rocer Uolles düzəltdiyi təyyarə maketinin özünə çırpılması nəticəsində həyatını itirib. Məlumata görə, hadisə baş verən anda gözünə gün düşdüyü üçün o, öz əl işini görə bilməyib və ağır xəsarətlər alıb.

Şahidlərin sözlərinə görə, təxminən 3 kiloqram ağırlığında olan maket Uollesin döş qəfəsinə çırpılaraq onun ürək və ağciyərini zədələyib.

Sərgi iştirakçıları ona ilkin tibbi yardım göstərməyə çalışsalar da, həyatını xilas etmək mümkün olmayıb. Rocer Uolles hadisə yerində həlak olub.

Xəbərdə bildirilir ki, Uolles təcrübəli təyyarə modelçisi olub.