“Möhtərəm Mir Cəfər Bağırov yoldaş!
Son zamanlarda mənə və yazılarıma qarşı – istər mənəvi, istər maddi cəhətdən – qaba və soyuq bir keçimsizlik var. Bu da yalnız tək-tək şəxslərin kaprizindən irəli gəlməkdədir. Cəsarət olsa da, fikrinizi bu nöqtəyə cəlb etməklə, 30 ildən artıq əmək sərf edən xəstə və yorğun bir yazıçının halını düşünməyinizi rica edirəm.
Hüseyn Cavid,
3 oktyabr 1936. Bakı.
Bir il sonra Hüseyn Cavid həbs olunur.
Haqqında irəli sürülən bütün əsassız ittihamlara və ağır işgəncələrə baxmayaraq, Hüseyn Cavid özünü təqsirli bilmədi və 1939-cu ildə 8 il müddətinə düşərgə cəzasına məhkum edildi. Şair 5 dekabr 1941-ci ildə İrkutsk vilayətinin Tayşet rayonunun Şevçenko kəndində vəfat etdi.
Azərbaycan Tarixi