Ağsu rayon icra hakimiyyətinin başçısı Ənvər Seyidəliyev vəzifəsindən alına bilər. Bu barədə DİA.AZ-a hökumətdəki məlumatlı mənbələr informasiya verib. Mənbə bildirir ki, Əmək və Əhalinin Sosial Müdafiəsi Naziri olmuş Səlim Müslümovun görəvdən alınmasının ardından onun dayısı - Ağsunun icra başçısının da durumu kifayət qədər gərginləşib.

Xəbəri verən qaynaq iddia edir ki, Ağsu RİH başçısı ilə əlaqədar son günlər müəyyən gərginliklər yaşanmaqdadır: "Məlumdur ki, himayədarı "vurulmuş "olan Seyidəliyevlə bağlı dünənə qədər hətta Hesablama Palatası kimi obyektiv qurum belə doğru-dürüst hesabat açıqlaya bilmirdi. Amma indi hər şey dəyişib. Seyidəliyevin də zamanı yetişib. Yaxınlarda dəyişiklik rəsmiləşəcək və onun yerinə hazırda Ağsu RİH-də vəifə tutan şəxslərdən birinin təyinatı gözlənilir".

Mənbə onu da əlavə edib ki, Seyidəliyevin yerinə tədarük görən məmur hazırda da Bakıdadır və "işini həll etməklə" məşğuldur.

Dia.az olaraq qarşı tərəfi də dinləməyə hazırıq...