Ana Vətən Partiyasının Mətbuat Xidmətinin məlumatına görə millət vəkilləri Fəzail Ağamalı, Əliağa Hüseynov və Salyan rayon icra hakimiyyətinin başçısı Tahir Kərimov Salyan rayonunda fəaliyyət göstərən bir sıra un və un məmulatlarının topdan və pərakəndə satışılə məşğulolan ticarət obyektlərində baxış keçiriblər. Baxış zamanı un və un məhsullarının bahalaşması və ölkə prezidentinin bununla bağlı atdığı addımların satış obyektlərində vəziyyətlə tanış olmuşlar. Baxış zamanı bəlli olmuşduir ki, dövlət başçısı cənab İlham Əliyevin unun qiymətinin aşağı salınması ilə bağlı sərəncamı un və çörəyin qiymətində baş verən bahalaşmanın qarşısın almış və bu əhali tərəfindən yüksək dəyərlənmişdir. Ərzaq mağazalarına sistemli olaraq baxışların keçirilməsi üçün millət vəkilləri F.Ağamalı və Ə.Hüseynovun köməkçiləri, Salyan rayon icra hakimiyyətinin səlahiyyətli nümayəndələri və kənd ağsaqqalarından ibarət daimi fəaliyyət göstərən komissiya yaradılmışdır. Fəzail Ağamalı Neftçala rayonunun Aşağı Surra və Cəngən inzibati ərazisindəki kəndlərdə də olmuş, ərzaq mağazalarına baxışlar keçirmiş, ziyalılar və kənd ağsaqqalları ilə analoji müzakirələr aparmışdır. Görüş içtirakçıları ölkə prezidentinin yaranmış vəziyyətlə bağlı keçirdiyi müşavirələr, atdığı addımlar alqışlanmışlar.
AVP Mətbuat Xidməti