ABŞ Prezidenti Donald Trampın hakimiyyətə gəlməsindən sonra Vaşinqtonun beynəlxalq siyasətdəki mövqeyi gözlənilməz və əvvəlcədən proqnozlaşdırıla bilməz olub.

Globalinfo.az xəbər verir ki, bu barədə Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallas Britaniyanın “The Economist” jurnalına müsahibəsində bildirib.

Kallas vurğulayıb ki, ABŞ Aİ üçün ən böyük müttəfiqdir və Brüssel nümayəndələri ilə Vaşinqton arasında gündəlik əməkdaşlıq intensiv şəkildə davam edir.

“Əlbəttə, biz hər şeylə razılaşmırıq. Lakin əvvəlki proqnozlaşdırma qabiliyyətimiz artıq yoxdur və buna öyrəşməliyik”, — deyə Kallas əlavə edib.

Ali diplomat həmçinin qeyd edib ki, Trampın dövründə ABŞ-ın bəzi qərarları Avropa siyasətçiləri üçün gözlənilməz olub və belə şəraitdə Aİ-nin strateji qərarlarını çevik şəkildə qəbul etməsi vacibdir.