Ukraynada son anti-korrupsiya əməliyyatları ölkənin siyasi rəhbərliyinin ən yüksək dairələrini hədəfə gətirib. Enerji sektorunda milyonlarla dollarlıq rüşvət sxemi ilə bağlı istintaq çərçivəsində prezidentin aparat rəhbəri Andriy Yermakın ofisində və evində aparılan axtarışlar diqqəti birbaşa Prezident Zelenskinin yaxın çevrəsinə yönəldib.
Bu hadisə təkcə korrupsiya şübhəsi deyil, Ukraynanın müharibə şəraitində siyasi sabitliyi, idarəetmə keyfiyyəti və beynəlxalq tərəfdaşlarla münasibətləri baxımından ciddi siqnaldır.
Ukraynanın müharibə şəraitində korrupsiya qalmaqalı ilə üzləşməsi cəmiyyətin dövlətə olan inamını sarsıldır və Zelenskinin “təmiz hökumət” imicini zədələyir.
ABŞ və Aİ üçün korrupsiya ilə mübarizə Ukraynaya yardımın əsas şərtlərindən biridir. Yüksək səviyyəli korrupsiya iddiaları xarici dəstəyi zəiflədəcəyi ehtimalı var.
Yermak Zelenskinin ən strateji fiqurlarından biridir. Onun ətrafında istintaqın genişlənməsi siyasi komandanın çatlaması ehtimalını artırır.
Mümkün ssenarilər maraqlıdı. Yermakın istefası (ən real ssenari) Zelenski siyasi riskləri azaltmaq üçün aparat rəhbərini qurban verəcək. Əgər sübutlar prezidentin yaxın çevrəsini dərin şəkildə ittiham edərsə, erkən seçki və ya koalisiya dəyişiklikləri gündəmə olacaq.
İndiki vəziyyət Zelenskinin dərhal istefası və ya həbsini real ehtimala çevirməsədə, siyasi riskləri kəskin şəkildə artırır. Bu qalmaqal Ukraynanın müharibə dövründə idarəçiliyinin, beynəlxalq etimadının və daxili siyasi sabitliyinin testinə çevrilib. Əgər istintaq prezidentin yaxın çevrəsinə daha dərindən uzanarsa, bu, Ukraynanın siyasi sistemində ciddi silkələnmələrə yol aça bilər.
Sarvan Səmədoğlu
TEREF