Belarus Prezidenti Aleksandr Lukaşenko ölkənin Sülh Şurasına qoşulması ilə bağlı sənəd imzalayıb.

Bu barədə “Пул Первого” “Telegram” kanalı məlumat yayıb .

“Prezident Belarus Respublikası adından Belarusun Sülh Şurasına qoşulması və Sülh Şurası Nizamnaməsinin müddəalarının tətbiqi ilə bağlı sənəd imzaladı”, – deyə paylaşımda bildirilir.

Hər şeyin ABŞ Prezidenti Donald Trampın məktubunda göstərilən prosedura tam uyğun olaraq baş verdiyi vurğulanır.

Xatırladaq ki, yanvarın 16-da Amerika lideri Qəzza zolağı ilə bağlı “Sülh Şurası”nın yaradıldığını elan edib. Rusiya Prezidenti Vladimir Putin və Lukaşenko da daxil olmaqla 60-dan çox dünya lideri şuranın işində iştirak etməyə dəvət edilib.//publika.az