ABŞ Prezidenti Donald Tramp İranın təklifini qəbuledilməz adlandırıb və Tehranla bağlı konkret planının olduğunu bildirib.
TEREF xəbər verir ki, o, bunu Ağ Evdə çıxışı zamanı deyib.

“İranın təklifi qəbuledilməzdir. Mənim İranla bağlı planım var”, - ABŞ lideri bildirib.

Tramp onun strategiyasının mövcudluğunu şübhə altına alanlara isə sərt cavab verib: “Çoxları deyir: Onun planı varmı? Əlbəttə ki, mənim planım var. Mənim indiyə qədərki ən yaxşı planım var”.

Tramp vurğulayıb ki, təzyiq altında deyil və geri çəkilmək niyyəti yoxdur:

“Onlar düşünürlər ki, mən yorulacağam, bezəcəyəm və ya təzyiq altında qalacağam. Amma heç bir təzyiq yoxdur”.

Tramp ABŞ-ın nəticə əldə edəcəyini qeyd edib: “Biz tam qələbə qazanacağıq. Hətta nəzəri olaraq artıq hərbi baxımdan tam qələbə qazanmışıq”./apa/