İranın zənginləşdirilmiş uranı üçüncü ölkəyə köçürməyə razılaşdığı iddiası təkzib olunub.

İranın danışıqlar komandasına yaxın mənbə “Fars”a deyib ki, hazırda nüvə ilə bağlı məsələlər danışıqların gündəmində deyil.

Bildirilib ki, bu mövzu haqqında müzakirələr danışıqların növbəti mərhələsinə saxlanılıb.

“Uran ehtiyatlarının üçüncü bir ölkəyə transfer olunması müzakirələrin hazırkı mərhələsinin gündəliyində yoxdur. ABŞ əvvəlcə bir sıra qəti və aşkar addımlar atmalıdır. Bəzi əsas mövzular üzrə yekun razılıq əldə olunmalıdır”, - mənbə vurğulayıb.

Qeyd edək ki, bundan əvvəl “Al Arabiyya” İranın nüvə materialının başqa ölkəyə köçürülməsinə razılaşdığı barədə xəbər yayıb.