Türkiyənin Şanlıurfa vilayətində 28 nəfərin həyatına son qoyduğu terror aktının İŞİD-çi qız tərəfindən törədildiyi məlum olub.

Reuters və Hürriyyet xəbər agentlikləri Türkiyə hökumətindəki mənbələrə istinadən xəbər verir ki, terror aktını törədən İŞİD-çi qızın 18 yaşı olub.

İŞİD-çi qız vilayətin Amara mədəniyyət mərkəzinin qarşısında toplaşan gənclərin arasına girərək özünü partladıb.

Reuters agentliyinə danışan Türkiyə hökumətinin 2 rəsmisi bildirib ki, onların əllərində Suruç rayonundakı partlayışın terror aktı olduğuna dair faktlar var.

[media=https://www.youtube.com/watch?v=F77U9Bvxrfc]