Hər bir insan həyatda uğurun zirvəsinə çatmağı arzulayır. Lakin uğur asan əldə edilmir. Bu, əslində çətin sınaqlardan keçməyi tələb edən bir hədəfdir. Dünyanın tanınmış biznes nəhənglərinin uğur hekayələri də bunu bir daha sübut edir. Gəlin, qlobal miqyasda tanınan beş məşhur şirkətin uğur yoluna daha yaxından nəzər salaq.

1. Walt Disney

1921-ci ildə Walt Disney Kanzas-Sitidə ilk animasiya şirkətini təsis etdi. O, çəkdiyi cizgi filmlərini paylamaq üçün bir distribyutor şirkətlə müqavilə imzaladı və ödənişləri altı ay sonra almalı idi. Lakin həmin şirkət son anda razılaşmanı pozdu. Buna baxmayaraq, Disney ümidini itirmədi və səylə çalışaraq Walt Disney Inc.-i dünyanın ən uğurlu animasiya şirkətlərindən birinə çevirdi.

2. Heinz

Henry J.Heinz 1869-cu ildə dostları ilə birlikdə şirkətini qurdu. Onlar şəffaf butulkalarda horseradish (xardal kökü sousu) satmaqla fəaliyyətə başladılar. Lakin şirkət bazarda möhkəmlənə bilmədi və 1873-cü ildə müflis oldu. Buna baxmayaraq, Heinz 1919-cu ildə əmisi oğlanları ilə birlikdə markanı yenidən bazara çıxardı və bu dəfə ketçup, bişmiş lobya və turşu kimi məhsullar təklif etdi. Bu yenidənqurma addımı onu dünya miqyasında tanınan bir brendə çevirdi.

3. Google

İnanmaq çətin olsa da, Google da ilk illərində çətin dövrlərdən keçmişdi. 2003-cü ildə Google Adwords proqramını istifadəyə verərək, 2008-ci ilə qədər 21 milyard dollar gəlir əldə etdi. Bu uğurdan sonra şirkət üçün geriyə dönüş olmadı. Bu gün Google dünyanın ən gəlirli texnologiya şirkətlərindən biridir.

4. Apple

“Uğursuzluq – uğurun təməlidir.” Bu ifadə Apple şirkətinin tarixində tam mənasıyla öz təsdiqini tapdı. 1990-cı illərdə Apple bir sıra uğursuzluqlarla üzləşmişdi. Lakin iPod və iMac kimi məhsulların satışa çıxarılması şirkətin yenidən doğulmasına səbəb oldu və Apple bu gün dünyanın ən nüfuzlu brendlərindən birinə çevrildi.

5. Ford

İlk illərdə Ford şirkəti Detroit Automobile Company adı ilə fəaliyyət göstərirdi. 1901-ci ildə şirkət müflis oldu. Buna baxmayaraq, bir neçə uğursuz cəhddən sonra bir qrup investor şirkəti yenidən dirçəldərək ona Ford Motor Co. adını verdi. Bu addım Ford-un dünya avtomobil sənayesində əfsanəvi bir markaya çevrilməsinin əsasını qoydu.