Payız və qış aylarının sevilən meyvəsi olan cənnət xurması lif və C vitamini ilə zəngindir, immuniteti gücləndirir və toxluq hissi yaradır. Lakin mütəxəssislər xəbərdarlıq edir: tam yetişməmiş xurmanın yeyilməsi bağırsaq tıxanmasına səbəb ola bilər.

Sherg.az xəbər verir ki, araşdırmalara görə, xurmanın “ham” halında olan tərkibindəki tanen maddəsi mədə turşusu ilə birləşərək daşabənzər kütlələr (bezoar) əmələ gətirir. Bu da mədə və bağırsaqlarda tıxanma və həzm pozğunluqları yaradır.

Həkimlər bildirirlər ki, cənnət xurmasının faydalarından tam yararlanmaq üçün gündə bir ədəd yetişmiş meyvə yemək kifayətdir. Həddindən artıq və yetişməmiş halda istehlak isə sağlamlığa ciddi zərər vura bilər.