Rusiyanın Suriyaya S-400 zenit raket kompleksləri göndərməsi ABŞ ordusunun buradakı əməliyyatlarını davam etdirməyə mane olmur.

Axar.az xəbər verir ki, bunu ABŞ-ın Mərkəzi Komandanlığının hərbi hava əməliyyatlarına cavabdeh olan general-leytenant Çarlz Braun ABŞ mətbuatına müsahibəsində deyib.

Onun sözlərinə görə, Rusiyanın bu addımı bölgədəki situasiyanı daha da çətinləşdirir. O, ABŞ-ın Rusiyanın bu addımına cavab verəcəyini də bildirib.

Qeyd edək ki, dünən Rusiya Müdafiə naziri Sergey Şoyqu Latakiyadakı Xmeynim bazasına S-400 zenit raket kompleksləri yerləşdirəcəklərini bildirib.