Rusiya prezidenti Vladimir Putin Böyük Kreml sarayının Georgiyevsk zalında illik müraciətinə başlayıb.

Virtualaz.org bildirir ki, "Rossiya-24" telekanalı ilə canlı yayımlanan çıxışına prezident terrorizmlə mübarizə aparan hərbi qulluqçulara minnətdarlıqla başlayıb. Zalda Suriyada həlak olan hərbçilərin qohumlarının olduğunu deyən Vladimir Putin qonaqlardan onların xatirəsini bir dəqiqəlik sükutla yad etməyə xahiş edib.

“Suriyada bizim silahlı qüvvələrimiz hər şeydən əvvəl Rusiya üçün vuruşur. Suriyada cəmləşən döyüşçülər bizim üçün xüsusi təhlükədir. Biz təhlükəni qarşılamağa və terrorçuları məhv etməyə məcburuq. Kimlərsə arzu olunmayan rejimləri dəyişmək istədi və bütün bunlar baş verdi”,- Putin deyib.