“Türkiyənin “Alparslan Çeliki ona görə mühakimə edə bilmərik ki, cinayət Suriya ərazisində baş verib” açıqlaması olduqca qəribədir”.

Avropa.info xəbər verir ki, bu açıqlama ilə Rusiya xarici işlər nazirinin müavini Aleksey Meşkov çıxış edib.

“Bu qəribədən də qəribə arqumentdir. Biz hamımız o faciəvi video çarxı görmüşük. Orada Çelik öz dili ilə etiraf edir ki, pilotumuzun qətlində iştirak edib. Biz ümid edirik ki, o, etdiyinə görə sərt cəza çəkəcək” – Meşkov jurnalistlərin sualına cavab verərkən belə deyib.

Xatırladaq ki, Türkiyə vətəndaşı Alparslan Çelik keçən ilin noyabrın 24-də rus Su-24-nün vurulmasından sonra kameralar qarşısında bəyan etmişdi ki, pilotu o, öldürüb. 31 martda isə o, İzmirdə restorandan çıxarkən dostları ilə birgə həbs olunmuşdu.