Moskvada Rusiya Liberal Demokrat Partiyasının (RLDP) lideri Vladimir Jirinovskinin şərəfinə heykəl ucaldılıb.
teref.az Virtualaz.org-a istinadən bildirir ki, bu gün heykəlin təntənəli açılışı olub.
Üç metrlik bürünc heykəl 1-ci Basman döngəsində, Dünya Sivilizasiyaları İnstitutunun həyətində ucaldılıb.
Abidənin müəllifi məşhur heykəltaraş Zurab Seretelidir. Heykəl RLDP liderinin 70 illik yubileyi münasibəti ilə hazırlanıb. Düzdür, V.Jirinovski aprelin 25-də anadan olub, amma heykəlin açılışı bu gün olub.
O da bildirilir ki, heykəl Rusiya imperiyasının “İlahi, çarı qoru!” sözlərinin yer aldığı himninin sədaları altında açılıb.