Cənubi Koreyanın sayca beşinci kəşfiyyat peyki "Falcon 9" raketi vasitəsilə orbitə çıxarılıb.
Bu barədə Cənubi Koreyann Müdafiə Nazirliyi məlumat yayıb.

Məlumata əsasən, raket ABŞ-nin Florida ştatında yerləşən Kenaveral burnundan buraxılıb.

Peyk raketin buraxılışından 14 dəqiqə sonra orbitə çıxıb.

Xatırladaq ki, Cənubi Koreya ilk kəşfiyyat peykini 2023-cü ilin dekabr ayında orbitə buraxıb. Peyklər qrupu Şimali Koreyanın ərazisi üzərində iki saatlıq fasilələrlə daimi müşahidəni təmin etmək üçün nəzərdə tutulub.