Ermənistandakı seçkilərin nəticələrini qəbul etmirik– Korrekt.az xəbər verir ki, bu fikirləri Rusiya Dövlət Dumasının MDB Məsələləri Komitəsinin birinci müavini, Rusiya MDB Ölkələri İnstitutunun direktoru Konstantin Zatulin bildirib.

“Amma biz Ermənistanla ittifaqda olduğumuz və ənənəvi olaraq əlaqələr qurduğumuz üçün, hazırda ədalətsiz, qeyri-demokratik seçkilər nəticəsində hakimiyyətdə qalan şəxslər tərəfindən idarə olunması faktına əsaslanaraq onunla işləməyə davam edəcəyik,” – deyə bildirib.

“Moskva prinsipial mövqe tutmalıdır. Və mənim fikrimcə, bu prinsipial mövqe belə olmalıdır ki, keçirilən seçkiləri heç bir halda demokratik və ümumi qəbul olunmuş standartlara uyğun hesab edə bilmərik. Əksinə, müxalifət qüvvələrinə və onların liderlərinə qarşı təzyiq göstərilib və bu təzyiq seçkilərdən sonra da davam edir və dərinləşir,” -deyə Rusiya Dövlət Dumasının MDB Məsələləri Komitəsinin birinci müavini, Rusiya MDB Ölkələri İnstitutunun direktoru Konstantin Zatulin bildirib.